Jumat, 05 Juli 2013

power ranggers versi wawaluhan..!!

05.46 | Diposting oleh ell | | Edit Entri
Salamat suri dangsanak....!!!
Ulun hadir pulang nah... Handak balajaran ba ulah kisah power ranggers versi wawaluhan..!!
Sabab banyak member nang ma req
wan sabalum nya Ulun minta maaf amun kada lucu lah.. !!

Takisah Amat. Udin. Anang. Wan Aluh lagi asik bakawanan lalu datang Utuh....!!

Utuh : nah... Takumpulan nah Urg'nya....!!

Aluh : ieh... Tuh ai.. Takumpulan nah... Kanapa handak babagi jakat Kah..??

Utuh : beeeeh.. Aluh nieeeh.. Nang kaya Aku ba duit Nitu....!! Sabab urg kita ni ba 5 jadi kayapa amun kita jadi POWER RANGGERS yu...???

Anang : nah... Pas banar tu Tuh ai.. Ayuha nah kita jadi POWER RANGGERS...!!

Utuh : nah.. Sip.. Baik kita jadi POWER RANGGERS... Nang mambila kabanaran dan mambasmi KUMAN-KUMAN....!!

Amat : cuuuuuuk (mancucuk Hidung Utuh) mambasi KEJAHATAN tuh ai.. Lain mambasmi KUMAN-KUMAN....!!

Udin : ie'eeh lingu Utuh nie.....!! Mambasmi Kuman-kuman tu kaya ikalan SUPER PEL hal....!!!

Anang : kaya kada tahu wan Utuh ha buhanya Nie...!! Amun dasar hungang Permanen dah Urg'nya...!!

Utuh : mauuuuuuuk buhan ikam nieeeh..... (sangkal) ....!! Lajui nah kita jadi power ranggers.. Ikam jadi power rangges apa Mat...???

Amat : aku handak jadi Power rangges HABANG...!!

Anang : aku power ranggers BIRU...!!

Udin : aku power ranggers HIRANG...!!

Utuh : amun akau power ranggers PINK haja....!!

Aluh : plaaaaak (manunjul Kupala Utuh) power ranggers PINK tu binian tungai ai....!!! Nitu cucuk'nya aku...!!!

Utuh : naaaah... Amun ikam power ranggers PINK Luh ai. Aku power ranggers BIGI RAMANIA barang...!!

Amat : braaaaaak (mahampas Mija) kada jadi dah kita jadi Power rangges..!! Pina bunyul lalu ikam nieee Tuh ai... Mana ada power ranggers warna'nya BIGI RAMANIA...!! (sarik)

Udin : taaaaahu... Utuh nie... Kada ada ba isi an TV kalu di rumah.. Jadi warna power ranggers ja kada tahu...!! (bamamai)

Utuh : buyul... Buhan ikam nieeeehh... Aku ada ai ba isian TV di rumah (mangaras) tapi TV ku HITAM PUTIH ja maka nya aku kada pinandu warna power ranggers tu...!!!

Anang :jeeeeeeeeeet (manarik talinga Utuh) amun kada tahu warna'nya bapadah dari tadi tungau ai... Ayuha ikam power ranggers warna PUTIH ja dah Tuh ai...!!!

Utuh : uki.... Sabab kita sudah takumpul jadi langsung haja kita berubah.....!!!!! BARUBAAAAAAH (bakuciak) POWER RINJING PUTIH (ba angkat tangan gaya ULTRAMEN berubah)

Amat : plaaaaaak (manapak kupala Utuh) power ranggers Tuh lain Power rinjing....!!

Utuh : aiiii. Salah aku....!! Maaf Buhan'nya lah....!!! CUBAAAAA. LIHAAAT... DI SITU ADA MUSTIR....!!! (Manunjuk akan pada ada musuh)

Amat : seraaaaang......... (bakuciak)....!!!!

Utuh : ayooooooo... Rasa akan jurus CING CUALA...tahi kucing di kupala.....!!!!

Aluh : satup.... Satup... Satup... Kada ada power ranggers jurus CING CUALA tuh ai....!!!

Utuh : ayuhaaaa nah.. Aku ganti barang Jurus ku... Rasa akan PISTOLLLLLL APIIIIII.(bakuciak)..... PAUUUUUUUU (manawak akan pistul mainan lawan mancis)

Acil Ugas : ADUUUUUUH (takuciak) wooooooooy... Sapa manawak aku lawan pistul wan mancis nie....!!!

Udin : Utuh Cil ai....!!!

Acil Ugas : nah.... bunyul nya ikam Tuh.. Wani nya manawak Aku... Handak cari mati kah....!!!

Utuh : hiiiiaaaaa (bakuciak) AKU KADA AKAN BUKAH SABAB AKU POWER RANGGERS..!!! DAN IKAM ADA LAH MUSTIR GARUBAK PINTUL.. MAKA AKAN AKU BUNUH.....!!!

Acil Ugas : sreeeeeeng (mancabut parang) bunyullllllllllllllllll.... (bakuciak) wani'nya ikam manyambat aku mustir garubak pintul.. Samantang-mantang awak ku LAMAK....!!! Hiiiiaaaaaaaaaaaa (manyasah Utuh wan parang)........!!!!

Utuh : JURUS POWERS RANGGERS MANANGKAP TIMPAKUL......(bakuciak).....!!!! Kaburrrrrrrrr (bukah mancincing sampat pagat tali salawar)

catatan :
sakalinya buhan Utuh cs nie, bamaianan jadi power ranggers di warung acil Ugas...!!
Wan nang di sambat Utuh mustir tadi sakalinya Acil ugas...!!

inggan situ haja dahulu....!!!

Wasalaam...!!
~ cuplis ~

0 komentar:

Posting Komentar

Langganan: Posting Komentar (Atom)