Sabtu, 06 Juli 2013

Utuh sapida mutur hanyar

04.42 | Diposting oleh ell | | Edit Entri
Salamat malam dangsanak barataan....!!

Maaf nah kada pi kawa bakisah lagi
sabab ulun lagi haur....!!!

Utuh : haur kah sibuk kah cup...??

Cuplis : haur tungau ai.. Amun SIBUK indah aku....!!

Utuh : jaaaaaah.. Kanapa amun SIBUK indah ikam Cup...??

Cuplis : sabab sibuk tu ada artinya Tuh ai.....!! SIBUK =sinting, bunyul, ambuk.....!!

Utuh : jaaaaaah... Lajui ha Nah Cup'ai ba kisah.....!!!

Cuplis : uki..... Langsung kita bakisah.....!!!
#########################

Takisah Utuh nang di tukar akan mama nya sapida mutur.. Lalu si Utuh nie mambawa rayun kandaraanya ka Kuta...!!
Pas di Kuta kabalujuran Urg rahat rajia.. Lalu di tahan Pulisi ai si Utuh....!!

Pulisi : siang Pak....!! Bulih lihat surat kandaraan bapak....!! (ma anui Utuh)

Utuh : uma Pulisi nie kada keren lalu...!! Wahini ba susuratan ja kah masih, urg ba SMS an ja lagi Pa ai...!!

Pulisi : cetaaaaar (mangatik mata Utuh) jangan Mahuhulut pang....!! SIM mana SIM....!!!

Utuh : nah.. Bapa mancari KASIM... Kasim di rumah ada ai pa ai,, patuh kah pian wan kasim tatangga Ulun tu Pa....?? 

Pulisi : cukkkkkkk (mancucuk hidung Utuh) SIM bunyul ai nang ku cari.. Lain KASIM tatangga Ikam pang....!!

Utuh :ooooooh.....!! ada ai nah Pa ai... SIMPAK... Sreeeeet (malului salawar,ma ungkai simpak/cawat)

Pulisi : ai... Bunyul'nya kakanak Ngini mahuhulut....!! Kalu aku Tilang....??

Utuh : kada usah gen Pa ai..manilang Ulun, sebab Ulun ni tilang badahulu.....!! TILANG =tinggi dan langsing.....!!

Pulisi : plaaaaaack (manapak kupala Utuh) jangan macam2 ikam nie ma hual tarus kalu aku tangkap...??

Utuh : ooooooooooh... Ulun nie sudah tangkap badahulu Pa ai....!! TANGKAP = tampan,tapi sayang kada payu.....!!

Pulisi : ai.... Dasar bunyul kakanak ngini....!! Ikam nie mahuhulut tarus, kalu aku PANJARA....!!

Utuh : uuuuuuh.. Amun di panjara Tu pian ja cucuknya Pa ai...!! Pian sudah ba isi Bini kalu...??

Pulisi : ai... Kanapa aku jadi nang di Panjara...?? Ieh bujur pang aku sudah ba isi Bini....!!

Utuh : nah.. Amun pian sudah ba isi Bini.. Tips supaya di sayang Bini Pa ai,,, harus PANJARA.....!! PANJARA =panjang dan perkasa....!!!

Pulisi : sreeet (mancabut Pistul).. Traaaak (ma andak kadahi Utuh) handak minta TEMBAK kah ikam mahuhulut tarus....??

Utuh : ae.. Bapa ma ungkai Pistul...!! Amun handak batembak ayuha Nah kita Pa ai....!! BATEMBAK=bateman baik..... Maksudnya Pa ai.....!!

Pulisi : plaaaaaaaak (mancatuk akan gagang pistul ka kupala Utuh) dasar bunyul banar kakanak ngini.. Mahuhulut ja Masih...!!

Utuh : adddddduuuuuuuh (kasakitan) umaaaaaeee Bapa pulisi nie panyarikan Banar...!! Waktu halus Minum susu napa garang Pian Nieh Pa...??

Pulisi : aku waktu halus dahulu minuman Susu SGM.... Kanapa garang...???

Utuh : uuuuuuh... Cucuk ai.....!!

Pulisi : napa'nya nang cucuk ai....!!

Utuh : cucuk ai pian ni panyarikan.. Sabab lagi halus minuman susu SGM...!!

Pulisi : ai... Apa hubungan'nya aku panyarikan wan minum susu SGM...??

Utuh : sabab SGM tu ada artinya Pa ai....!! SGM= Sinting Gila Mereng....!!

Pulisi : gupppraaaaaaak (langsung siup)......!!

# utuh malihat pulisi siup ancap ae lagi bajauh#

jaaaaaaah.. Inggan situ haja dahulu kisahnya....!!

Wasalaam...!!
~ cuplis~

0 komentar:

Posting Komentar

Langganan: Posting Komentar (Atom)