Jumat, 05 Juli 2013

santai di pus runda

05.41 | Diposting oleh ell | | Edit Entri

salamat ba isukanan dangsanak barataan...!!

Takisah si Utuh wan amat lagi santai di pus runda...!!
Lagi asik santai lalu barucau ai ba 2 nieee...!!

Utuh : uy... Mat ikam handak lah kawin mat...???

Amat : kawin tu nyaman haja Tuh ai.. Nikahnya naham nang ngalih apa wahini sakit banar MATA....!!

Utuh : asli Nah Mat ai... Wahini liwar sakitnya Mata....!! MATA PENCAHARIAN kalu nang ikam maksud Mat...!!

Amat : ieeeh tuh ai....!!!

Utuh : nah... Tapi ada aku amalan di bari Guru tuh ai....!!

Amat : amalan Apa tuh....???

Utuh : amalan babinian Mat ai... Sing pusut ja amalanya....!!!

Amat : babujur ikam Tuh...??

Utuh : ieh... Mat ai.. Ikam suah lah mandangar Kata Buraq....!!

Amat : suah haja pang Tuh ae.. !! Waktu Rasulullah isra mijrad lo Tuh.. Asalnya buraq tu liwar gagah'nya pas di pusut nabi timbul ranai (jinak) buraknya....!!!

Utuh : haaaam... Tahu kalu ikam Mat.. Nitu amalan harat Mat ai.. Amun kita baca..kita pusut akan ka wadah babinan... Insya Allah hakun ja babinianya di kawini Mat ai... Ikam handak kawin Kalu....???

Amat : jangan Kan aku Tuh ai... Urg gila gen handak Kawin....!!

Utuh : nah.... Amun kaitu pakai ai amalan KATA BURAQ ni mat ai...!!

Amat : mana amalan'nya Tuh....!!!

Utuh : bulik lu Ikam ka rumah... Ambil buku wan pulpin kaina aku manctat akan...!!

# bulik ai ..amat ka rumah...ma ambil Buku wn pulpin... Di bawa ka wdah Utuh..langsung ai di Tulis akan Utuh amalan'nya#

Amat : handap ai.. Amalanya Tuh lah...!!

Utuh : ieh handap haja.. Tapi khasiatnya Harat mat ae,, amun di pusut akan wadai binian.. Apa jar kita Insya Allah hakun ja binian tu....!!

Amat : naaaaah... Harat banar amalanya nie.Tuh ai....!! Kayapa cara mamakai nya Tuh...!!

Utuh : gampang haja caranya Mat ai... Imbah baca...pas di akhir kalimatnya.. Lalu kita tarik napas.. Tahan satumat..pas habis mambca kata buraq tu.. Hambus akan napas kita mulai Hidung..salajur Pusut balakang Binian nang kita Anui tu....!!

Amat : ooooooh... Sutil haja caranya Tuh lieh....!!

Utuh : ieh... Imbah ikam anu kaitu Isuk Tunti ka rumah binian'nya Badatang ikam wan kaluarganya Mat. Ai....!!!

Amat : uki..... Tuh ai.... Pasti lah Amun badatang di tarima Kuitanya Aku ni Tuh...??

Utuh : Insya Allah pasti Mat ai...!! Ikam datang wadah kuitan'nya...NAAAAAH to julung duit 50 JUTA.. Ulun manjujur anak Pian pakacil ai .. Insya Allah barkat kata Buraq ikam di tarima kuitan'nya Mat ai...!!

Amat : cuuuuuk (mancucuk hidung Utuh).....!! HUNGAAAAAAAAAAAAAAANG (bakuciak) amun di bari duit 50 JUTA SAN JUJURANYA.. kada usah pakai kata buraq gen Tungau ai... Insya Allah hakun ja kuitan'nya....!!!

Artinya......????
Kanapa wahini , baik di kampung, baik di kuta.. Amun urg handak kawin Jujuran nang di Utama akan.. Maka wahini musim wan jaman-jaman'nya balalarangan Jujuran..
Sebab Ulun ada ba isi kawan.. Nang batang wadah kuitan pacar'nya padahal ba isi duit sadikitanya.. Tapi di mintai kuitan pacar 25 juta.. Ba pikir ai inya dahulu...
Lawas inya ba pikir sakalinya ada urg lain badatang mambari jujuran 35 juta. Pas nitu nang di tarima Kuitan pacarnya tu...???
Jadi kesimpulanya.. Urg wahini kawin apa kah bujur ingin manjalan akan Sunah rasul.. Wan mancari berkah dan ridho dari Allah..
Apa sekedar mancari duit jujuran nang ganal....??? (jawab ha buhan pian masing)

CATATAN :
Amun ada nang parutis.,, kada barataan jua kaitu jar balalarang jujuran amun urg kawin...!!
Nang mamdahkan barataan siapa...??
Tapi jar ulun kabanyakan'nya kalu....!!

Inggan situ haja....!!

wasalam....!!
~ cuplis ~
27

0 komentar:

Posting Komentar

Langganan: Posting Komentar (Atom)