Jumat, 05 Juli 2013

SDN waluh sampai ka puting

05.56 | Diposting oleh ell | | Edit Entri
Salamat malam dangsanak barataan...!!

Takisah di SDN waluh sampai ka puting... Katika jam palajaran di mulai....!!

Ibu Guru : pagi anak-anak....!!

Murid : pagi buuuuuuuuuu.....

Utuh : Lu burit....!!

Ibu Guru : ai... Tuh..kanapa ikam manyambung, kalimat kakawanan..amun di sambung Tuh ai.. Salamat pagi BULU burit Tuh ai....!! (sarik)

Utuh : hehe.. (jihing-jihing, tatawa)....!!

Ibu Guru : neeee... jihing-jihing...!! Sumalam nisfu, puasa jua kah tuh..??

Utuh : kada Bu ai...!! Sabab nang barpuasa tu bagi nang mampu ja kalu...?? Amun ulun kada mampu Bu ai...!!

Ibu Guru : jeeeeeeeeeet (manjinjit talinga Utuh).. Datang di mana'nya ikam kada mampu tuh.. Pakakas sudah babulu..kisah kada mampu puasa lah...???

Aluh : aiiiii. Ibu, suah mahintip akan Utuh bakamih saku, jadi tahu ambit Utuh babulu...??

Ibu Guru : mauk Luh ai....!! Ikam sumalam puasa lah...??

Aluh : puasa ai Lun bu ai....!!

Ibu Guru : babujur Luh.. Luku'ah ikam badusta...!!

Aluh : bujuran Bu ai.. Ulun puasa sumalam.. Wan ulun kada badusta.. Karna Ujar mama Ulun, BADUSTA TU HUKUM'NYA BOHONG jar Bu ai...!!

Ibu Guru : jeeeet (manjijit talinga Aluh).. Badusta tu hukum'nya dosa Luh ae... Lain badusta Hukum'nya Bohong.. Sabab dusta wan Bohong to sama artinya...!!

Amat : tapi amun berbohong tu kada papa haja kalu Bu...???

Ibu Guru : jar sapa kada papa Mat..?? Kada bulih kita Mat ai hidup Berbohong...!!

Amat : jaaaah Bu...!! Maka jar BERBOHONG ITU ADALAH KEJUJURAN YANG TERTUNDA,,,, jar Bu ai...!!!

Ibu Guru : jaaaaah... Macam-macam haja ikam Nie Mat ai.. Sapa malajari Ikam.. Paribahasa nitu....??

Amat : Utuh Bu ai.. Malajari...!!

Utuh : plaaaaak (manapak Kupala Amat) ai... Bunyul'nya ikam Mat.. Napa aku di buat...!!

Ibu Guru : ayuha... Sudah-sudah jangan bakalahian.....!!! Ibu handak batakun nah.. Apa hikmah di balik kita berpuasa...???

Udin : agar melatih kesabaran Bu ai...!!

Ibu Guru : pintar.. Udin.. Apa lagi..??

Ratna : hikmah di balik puasa.. Supaya manusia bisa barpikir Untuk, hidup bersukur Bu ai...!!

Ibu Guru : naaaah... Ratna pintar jua..!! Hikmah di balik puasa adalah. Melatih kita supaya sabar dan supaya manambah rasa sukur kita kepada Allah ta'ala...!!

Utuh : nah.. Pas banar tu Bu ai...!! Amun nang Laki nama'nya SUKUR, nang bini nama'nya SABAR.. Amun ba isi anak ngarani kaina RAMADHAN atawa NISFU SYA'BAN... Ia'kah Bu..???

Ibu Guru : jangan tapi Pina pintar Pandir Tuh ae. (sarik)..!!! Wan salah satu hikmah, di balik Urg barpuasa.. Adalah, supaya marasa akan buhan nang nang mampu (hidup berkecupan) kayapa rasanya kalaparan.. Supaya inya manyukuri hidup wan bapikir, kayapa nasib buhan fakir miskin nang hari-hari hidup kelaparan...!!

Murid : ooh.....!!!

Amat : yeeeessss....!!

Utuh : (Oooh..yes) (Oooh..no) (Oooh...yes) (Oooh...no) ooooooohhhhhhh....!!!

Ibu Guru : paaaaau (manawak akan batu Kapur ka muha Utuh) jangan tapi hungang pang Tuh kalakuan....!!

Utuh : amat.. Mahulu akan Bu ai...!!

Amat : aeeeee.. Tuh.. Napa aku di padahkan.. Tampar Kah Tuh...??

Ibu Guru : ayuhaaaa. Sudah jangan bakalahi...!! Nah jadi amun samisal kita jadi manusia nang barkacupan.. Atawa manjadi org kaya harus banyak-banyak bersukur.. Wan jangan Sombong....!!

Utuh : nah.. Dangar akan Tu buhan'nya ai (kisah manuduhi kakawanan)....!!

Amat : ieh buhan'nya ai.. Amun misal sugih jangan sumbung kita nie...!!

Utuh : ieh.. Ada kalu lagu bang haji KURMA IRAMA....!!

Ibu Guru : cuuuuuk (mancucuk akan batu kapur ka hidung Utuh).. Rhoma Irama Tuh ae.. Lain Kurma irama...!! Kayapa teh lagu rhoma irama Tuh...???

Utuh : YANG MISKIN JANGAN BERSEDIH.....!!
jangan sampai tajual tapih...!!
YANG KAYA JANGAN LAH BANGGA...!!
kalu pina tarujuk bica...!!

Amat : JARAWAT MANUSIA DISISI HIDUNG'NYA AMUN DI PICIK SAKIT RASA'NYA.....( umpat manyambung akan jua lagu Utuh)

Ibu Guru : guppppppraaaaaak (langsung, siup mandangar Utuh wan Amat banyanyi)

inggan situ haja dahulu kisahnya...!!

Wasalaam...!!
~ cuplis ~

0 komentar:

Posting Komentar

Langganan: Posting Komentar (Atom)