Jumat, 05 Juli 2013

Takisah Utuh wan Amat manuntun fiala

05.44 | Diposting oleh ell | | Edit Entri
Salamat ba isukanan dangsanak barataan...!!

Takisah Utuh wan Amat manuntun fiala konfederasi antara Italia vs jepang....!!

Utuh : rami mat lah TALI RUMPUT JAPANG ni main... Karas pamainanya

Amat : cuuuuuk (mancucuk hidung Utuh) ITALIA WAN JAPANG Tuh ai, nang main....!! Lain tali rumput japang ....???

Utuh : jaaaah.. Salah kah aku mat.. ikam JUKUNG mana Mat. Italia kah japang kah...???

Amat : tewew (mangatik hidung Utuh) DUKUNG tungau ai lain JUKUNG...?? Amun aku dukung Italia ja, tuh ai.. Katuju aku....!!

Utuh : aku gen katuju jua wan Italia ni apa lagi BEK'nya nang Numur 20 tu.. Alif, Ba, Ta....nama'nya Mat ai....!!

Amat : plaaaak (manapak Muntung Utuh) numur 20 tu ABATE nama'nya Tuh ae.. Lain Alif. Ba .ta....!!

Utuh : nah... ABATE tu nama italia'nya pas inya jadi pamain Bula ai Mat ai....!! Waktu inya bagana di Arab dahulu, inya bahuma. Nama'nya Alif. Ba. Ta....!!!

Amat : cetaaar (mangatik Mata utuh) jangan tapi Luntau Tuh ai....!! Amun aku pamain italia ni El Shaarawy. Paling katuju Tuh ai.. Bagus main'nya...!!

Utuh : ooooh... Tahu aku El Shaarawy. Inya pamain AC MILAN kalu Mat...!! Di galari urg El Shaarawy tu CUCU FIR'AUN....!!

Amat : haaaaap (mangacak Gulu Utuh) bakalahi ja kita nah Tuh....!! Muha ikam Tuh ai CUCU FIR'AUN... Amun El Shaarawy tu galaran'nya FIR'AUN KECIL....!!

Utuh : mauk Ikam ni Mat ai....!! Asal ada fir'aun'nya ha....!! Japang Nie culas main Mat lieh, kada kaya Italia...!!!

Amat : datang di mana japang Culas'nya tuh...???

Utuh : culas Mat ai.. Apa main Bula bakandaraan.. tuh cuba lihat numur 4, HONDA mat ai . Sukur kada YAMAHA.asli culas main bula bakandaraan..!!! (bamamai)

Amat : sreeet (tajulur Hingus) nitu dasar nama'nya warik ai....!! Keisuke Honda, nama aslinya, lain mirik kandaraan pang.....!!!

Utuh : ooooooh... Tapi aku kada katuju pamain japang nie sabuting ai Mat ai....!!!

Amat : apa tuh nang kada ikam katujui....???

Utuh : ngaran pamain'nya Mat ai.. LANJI banar....!! Cuba lihat numur 9 tu... Ngaran'nya UKI DI SAKI mat ai....!!!

Amat : HUNGAAAAAAAANG (bakuciak) numur 9 tu nama'nya OKAZAKI warik ai... Lain UKI DI SAKI....!!! Hiiiiiiiiiiiiaaaaaa (ma ambil kayu dak mamukuli Utuh)

Utuh : ziiiiiiiiiiiiaaaaaaah (bukah kabuliyangan kalu di pukuli Amat)

inggan situ haja dahulu
lucu kada lucu kada jadi masalah
nang panting bakisahan dahulu kita...!!

Wasalaam...!!
~ cuplis ~

0 komentar:

Posting Komentar

Langganan: Posting Komentar (Atom)